අපගේ ප්‍රධාන අරමුණ වනුයේ රඹුක්කන ප්‍රාදේශීය සභා බල ප්‍රදේශය තුළ ජීවත්වන ජනතාවගේ ජීවන තත්ත්වය නවීන සම්පත් හා තාක්ෂණය යොදා ගනිමින් දියුණු කිරීමයි. මේ සඳහා අප විසින් සිදු කරන සේවාවන්, ව්‍යාපෘති, සමාජ සත්කාර කටයුතු සහ දිනපතා සිදුවන පරිපාලන කටයුතු පිළිබඳ පැහැදිලි සහ නිරවද්‍ය තොරතුරු ජනතාවට ඉදිරිපත් කිරීම අපගේ වගකීමක් ලෙස සලකමු.

මෙම වෙබ් අඩවිය ඔස්සේ ඔබට අවශ්‍ය සේවා, නිවේදන, වැඩපිළිවෙළ සහ සභාවේ කටයුතු පිළිබඳ සවිස්තරාත්මක දැනුම් ලබාගත හැකි වන අතර, ජනතාවගේ අදහස් හා යෝජනාද අප වෙත රැගෙන ඒමට ඉඩ සලසනු ඇත.

රජයේ ජාතික වැඩපිළිවෙළ වන පොහොසත් රටක් ලස්සන ජීවිතයක් ඔස්සේ රඹුක්කන ප්‍රාදේශීය සභාව තිරසර සංවර්ධනයේ මග පෙන්වන්නාක් වෙමින්, ජනතා සහභාගීත්වය හා විවෘත පාලනය මත ගමන් කරයි. ඔබගේ සහයෝගය හා විශ්වාසය අපගේ විශාලතම ශක්තිය බවත්, එම සහයෝගය සහ විශ්වාසය මගින් ජනතාවට වඩාත් යහපත් සේවාවන් සැපයීමට අපට හැකිවෙනු ඇතත්, මෙම අවස්ථාවෙදී අවධාරණය කරමි.

අපගේ නිල වෙබ් අඩවිය වෙත පිවිස ඇති ඔබට හෘදයාංගම ස්තුතිය පළ කරමින්, සියලු දෙනාට සෞඛ්‍ය සපිරි, සාර්ථක සහ සන්සුන් ජීවිතයක් උදෙසා වන මනෝභාවයෙන් ආශීර්වාද කරමි.

නවීන තාක්ෂණය පෙරදැරි කර ඉදිරියට පා තබන ලොවක් තුළ ජනතා මෙහෙවරට ඇප කැපවෙන  වන රඹුක්කන ප්‍රාදේශීය සභාව කඩිනමින් හා කාර්යක්ෂමව විනිවිද භාවයෙන් යුතුව ඔබගේ අවශ්‍යතාවයන් ඉටුකරලීම සඳහා ආරම්භ කළ මෙම වෙබ් අඩවිය ඔබට මහඟු සේවයක් වන බව මාගේ විශ්වාසයයි. ප්‍රජා ආණ්ඩුකරණයේ ඉතා වැදගත්  සාධකය වන්නේ සභාවේ කාර්යයන් සඳහා ජනතා සහභාගිත්වය ලබා ගැනීමයි. ඒ සඳහා ජනතාවගේ අදහස් යෝජනා මෙන්ම අප කරන වැඩ ඔවුන් දැනගැනීමද ඉතා වැදගත්වේ. ඒ අරමුණින් යුතුව විශ්ව ගම්මානයේ සැරි සරණ වෙබ් අඩවියක් ලෙස විශිෂ්ට සේවාවක් ඡනතාවට මේ තුළින් සැලසේවායි පතමි.